PRI RUSIA E-MOVADO (6)

• Mi proponas lanchi diskuton sub komuna titolo "Se mi estus
  REU-prezidento...". En ili mi provos skizi konkretajn pashojn, kiujn devus
  fari bona, honesta kaj aktiva estraro de Rusia E-asocio. Bonvolu aktive
  partopreni!
  
  Do, se mi estus REU-prezidento, mi...
  
  1. ...unuavice kreus tutlandan interret-forumon, dedichitan al disvastigado
  de Esperanto. Fari tion estas facile, sed niaj REU-estroj ne faras tion.
  Kial? Char ili timas eventualan kritikon pri si kaj evitas malkashan,
  liberan diskutadon. Siatempe (antau 3,5 jaroj) ili aktive kontrauis kreon de
  unua dissendolisto por rusiaj e-istoj ("esper-rus"). Poste ili komencis
  chiel nigrigi chi tiun dissendoliston kaj kreis alternativajn listojn
  ("e-rus" kaj aliajn), sed tiuj estas mortnaskitaj. Dissendolisto "reu-agado"
  estas dedichita al konkretaj agoj de REU, sed agado de REU kaj problemoj de
  E-movado estas tute diversaj aferoj!
  
  Tamen mi parolas ne pri dissendolistoj che Yahoo, sed pri vera forumo - rus-
  kaj Esperant-lingva, kun miloj da partoprenantoj, kiel ekzemple forumoj de
  kristanoj, rerihhanoj au "anastasijanoj". Kial esperantistoj ne havas
  similan forumon? Ne nur tial, ke REU-estroj ne kapablas organizi ghin, sed
  chefe tial, ke ili timas liberan diskutadon. Tio estas absolute klara.
  
  Kion pridiskutas la REU-estroj? Jhus ili pridiskutis tre "gravan" problemon,
  kiun el ili kandidatigi por "honora membro de UEA". Postenoj kaj titoloj
  ilin pleje interesas. Pli frue ili pridiskutis du ideojn de N.Gudskov: (1)
  transigi la internacian aviadon al Esperanto (pura blufo) kaj - (2) nomi
  esperantistecon kiel sian naciecon dum la tutlanda registrado. Kie estas
  tiuj ideoj nun? - en rubujo, kaj neniu rememoras ilin. Certe, REU-estroj ne
  deziras, ke tia nivelo de ilia pensado estu konata al chiuj homoj, tial ili
  preferas diskuti en sia fermita rondo, ne invitas amasojn kaj shtopas bushon
  al chiu, kiu kuraghas kritiki ilin...

• (A.Grigorjevskij prezentis sian "flugfolion", informantan pri Esperanto)
  Se kredi al la flugfolio de A.G., do esperantistoj prezentas per si ian
  sekretan hierarhhion. Ellerninte Esperanton, oni ligighu kun "regiona
  magistro", kiu donos al oni adresojn kaj aliajn instrukciojn... Ghenerale,
  "regionaj reprezentantoj de E-movado" estas tre malutila stultajho. Necesas
  rezigni tiun putrigan praktikon.

• A.G.: >En tiuj urboj, kie logxas esperantistoj aux estas E-grupo,
  >iu volontulo povas sin proponi por esti reprezentanto de E-movado.
  
  CHIU esperantisto apartenas al E-movado kaj rajtas reprezenti ghin. Por tio
  li ne bezonas ies ajn aprobon kaj permeson. Vi evidente miksas "movadon" kun
  "organizajho". Movado estas gvidata de neniu, kaj chiuj ghiaj membroj estas
  absolute egalrajtaj.

• Kial popolo ne interesighas pri Esperanto?
  Tial, ke plimulto da homoj interesighas pri mondaj problemoj kaj ne vidas,
  kiel Esperanto povas solvi ilin.
  Kaj kiam ni diras, ke "komuna lingvo plifirmigus pacon" ktp, oni prave
  kontraudiras, ke inter samlingvanoj okazas plej kruelaj militoj. Do, komuna
  lingvo per si mem ankorau solvas nenion.
  Por ke popolo ekinteresighu pri Esperanto, ni devas reklami ghin kiel
  enkorpighon de eterna revo pri tutmonda frateco. Ghi estas ne nur lingvo por
  ia ajn komunikado (eble, ech kverelado), sed por reciproka amo. Tia prezento
  de Esperanto estos simpatia al preskau chiuj homoj (escepte de tre malmultaj
  kanajloj-hommalamantoj).
  Bedaurinde, Andrej, via "informilo" daurigas la senperspektivan tradicion
  prezenti Esperanton kiel ian ekzotikajhon, kiel ian amuzilon por
  nenionfarema junularo; vi listigis kelkajn kuriozajn "faktojn", sed ne diris
  chefajhon - por kio entute ekzistas la lingvo de Zamenhof. ...

• >Pri gustoj oni ne disputas. Ekzemple por mi komunikado kun
  >homoj, similaj al Grisxin, ne estas lauxgusta. Anstataux legi tiujn
  >rubajxojn, mi preferas okupigxi pri normala E-agado (al kiu 'esper-rus'
  >havas minimumegan rilaton). Andrej
  
  Ke A.G. ne shatas komunikadon kun mi, tio ja estas facilege komprenebla.
  Andrej ne toleras ajnan kritikon. Lia tuta agado celas memreklamon, kaj
  Esperanto estas nur instrumento. Tial dissendolisto, kie oni libere, sen lia
  kontrolo, povas skribi chion ajn, tute ne konvenas por Andrej.

• Andrej Grigorjevskij malsanas je ofta malsano de gvidantoj - despotismo.
  Feliche, ke en interreto ne eblas shtopi la bushon kaj tiel realigi la faman
  sloganon "for la homon - for la problemon".  :)
  (Fakte, mi miras, kies ideo estis elekti lin kiel UEA-estraranon??)
  Chiuj rusiaj (rusaj, ruslingvaj) povas senprobleme skribi en "esper-rus".
  Chi tie oni al neniu shtopos la bushon. Al chiuj aliaj ofendataj kaj
  diskriminataj esperantistoj mi konsilus alighi al sencenzuraj listoj kun
  demokratia estro au krei sian propran dissendoliston.

• Ne povante fari tion, kio necesas, REU-estraranoj faras tion, kio ne
  necesas.
  Jen nova "brila" iniciato - Ranglisto Kluba. Ne temas pri ran-glisto, sed
  pri rang-listo - listo de Rusiaj E-kluboj, al kiuj la estraranoj disdonas
  poentojn. Tio estas do simila al socialisma konkurado. Al mi ghi rememorigas
  fervoran burokratian aktivecon de funkciuloj de pionira movado dum lastaj
  sovetaj jardekoj. Chu vi memoras, estis teleprogrameroj "Otzovitesj,
  gornisty!" kaj similaj. Tio estis jam evidenta simptomo de putreco, char
  veran agadon oni anstatauigis per diversaj efemeraj "akcioj".

• REU-estraranoj mense vivas en 60-70-aj jaroj. Ili ne komprenas, ke bazo de
  E-movado estas ne kluboj, sed individuoj. Individuoj estas primaraj, sed
  kluboj - sekundaraj. Klubo formighas chirkau iu "brulanta" persono. Kaj
  plimulto da veraj E-aktivuloj agadas _ekster_ iaj ajn kluboj. Do, se kompili
  rang-liston, do ne pri kluboj, sed pri individuoj. Sed fari tion estus
  treege malutila afero, char ghi neeviteble vundus ies ambiciojn. Fakte,
  ankau pri kluboj tio okazos. REU-estraranoj donos pli da poentoj al tiuj
  E-kluboj, kies gvidantoj pli konformas kun ilia modelo kaj estas pli
  lojalaj.

• Jhus s-ro XXX kuradis kun sia ideo kalkuli chiujn rusiajn esperantistojn.
  Antau nelonge REU-estraranoj elpensis instituton de
  "REU-reprezentantoj". Tiuj iniciatoj estas el la sama vico. Chio estas nur
  por krei ian hierarhhion kun si mem che la supro.
  Leginte leteron de A.Goncharov en unu el "REGoj" pri rang-listo de kluboj,
  mi pripensis tiun demandon kaj delonge volis reagi, sed longe estis nenio
  audata pri ghi, kaj mi esperis, ke tiu ideo bonorde abortighis. Sed ne!
  REU-estraro volonte subtenas chiun senutilan iniciaton. Nu, kion diri? Mi ne
  havas vortojn!

• Esperantismo estas morta por plimulto da homoj, ghi ne ekzistas kiel reala
  fenomeno en chiutaga socia vivo. Kaj pri tio kulpas esperantistoj mem,
  precipe malkapablaj E-gvidantoj. Jen ghuste la kauzo, kial mi senkompate
  kritikas REU-estraron.

• Vizitu la retpaghon de REU: http://reu.da.ru/
  Kiom da jaroj ghi jam ekzistas, sed aspektas kvazau haste farita malnetajho.
  Mizera aspekto konkuras kun same mizera enhavo. Intertempe, dum lastaj
  monatoj kaj jaroj, aperis multe da belaj, richenhavaj retpaghoj de diversaj
  Rusiaj E-kluboj. Do, tie loghas pli kapablaj, pli laboremaj esperantistoj.
  Kial do nin ghis nun "regas" la sama sentalenta teamo?
  La retpagho de REU devus esti bela, farita sur profesia nivelo (kaj ekzistas
  ja esperantistoj, kiuj scipovas tion). En ghia chefa pagho devas esti
  ligiloj al chiuj ekzistantaj retpaghoj de Rusiaj E-kluboj (N-Novgorod,
  Vladivostok, Rostov-Don, Peterburg, Volgograd ktp ktp). Devas enesti ligiloj
  al propraj paghoj de plej elstaraj memstaraj e-istoj kiel I.Simonov kun lia
  "Akileo", NikSt, S.Ivanov; ligiloj al dissendoj kaj instruantaj
  ret-lernejoj. Devas enesti ankau ligiloj al la paghoj de UEA, eLibrejo ktp.
  La retpagho devas havi liberan forumon. Chio tio en la retpagho de REU
  MANKAS. Kompense enestas statuto, dokumentaro kaj aliaj nenecesaj
  burokratajhoj. Kaj al chiu, kiu deziras renkonti "vivajn" esperantistojn,
  estas proponata ia konspiracia reto. Oni povas ekpensi, ke temas pri sekreta
  spiona organizajho... En la retpagho de REU trovighas ses mizeraj bultenetoj
  , la plej "nova" el kiuj datighas je autuno 2000. Tio
  estas malpropagando de Esperanto. Chio tio estas neeltenebla.
  Samideanoj, estas tempo preni grandan balailon kaj forpeli el la REU-estraro
  chiujn, kiujn ne scipovas kaj ne deziras labori!

• Kiu ne pagis chi-jaran kotizon, ne estas konsiderata kiel REU-ano.
  Evidente, tiel postulas via statuto. Sed tio ne estas bona regulo.
  Se homo ighas esperantisto, plejofte li ighas esperantisto por la tuta vivo.
  Se homo alighas al REU, evidente li deziras aparteni al ghi dum longa tempo,
  kaj forestas bezono chiujare postuli de li monan pruvon de tiu.
  Alivorte, membreco en REU devas esti senpaga kaj "dumviva" (nur se la homo
  mem ne deklaros sian malalighon). Nur en tiu okazo REU povos kreski
  konstante. En alia okazo kresko periode anstatauighos per malkresko, kaj la
  kvanto restos chiam inter 100-200.
  Vi povas diri, ke REU ne havos financojn por sia agado. Je tio mi povas
  respondi, ke la membrokotizoj estas tiom mizeraj, ke ili estas tute ne
  konsiderindaj. Ech se kolektitaj plene, tio estas ridinda sumo. Kaj ne
  valoras perdi tempon, kolektante tiujn mizerajn groshojn. Tio ofendas
  homojn, char ili apartenas al Esperanto per sia koro, sed ne per sia monujo.
  Finfine, nun chiu homo povas ghui chiujn eblajn servojn senpage - per
  interreto. Do, fakte ne ekzistas bezono pagi al REU. Tiel pensos multaj
  homoj, kaj ili pravos. Mi mem alvokos homojn NE pagi membrokotizojn al REU.
  Ne faru tion, rusiaj esperantistoj! Vi estas bonaj esperantistoj ankau sen
  tio! Kaj la REU-estraro tute ne scipovas perlabori monon. La nuna REU chiam
  estos senmona - chu kun viaj etaj kotizoj, chu sen.
  Nova (estonta) REU devas esti asocio de samideanoj, sed ne asocio de
  pagantoj. Kaj tiam (kaj nur tiam) ghi estos ankau richa kaj havos proprajn
  autojn kaj autobusojn, propran domon, propran magazenon, propran eldonejon,
  propran hotelon, propran televid-programon ktp.
  Nuna REU meritas BOJKOTON!!!

• Lau la nuna ordo, vi chiujare _detruas_ REU-n kaj chiujare rekonstruas ghin
  ekde nulo. Tio estas absurdo. Estas same kiel se iu chiujare detruadus sian
  domon...
  REU, organizita lau raciaj reguloj, devus nur konstante kreski. Certe, povos
  esti okazoj, kiam iuj homoj ne plu okupighos pri Esperanto, sed daure estos
  konsiderataj kiel REU-membroj. Tio tute ne estas grava malbono.
  Povas ekzisti unufoja aligh-kotizo, por kompensi produktadon kaj sendadon de
  REU-membrokarto. La membrokarto estu dumvive valida. Ghi estu farita bele,
  por esti objekto de fiero kaj tiel ech servi kiel varbilo. Eble, anstatau
  membrokarto prefere estu bela insigno, sur kies dorsa flanko estu gravurita
  nomo de la nomo kaj lia numero en REU.
  Tiel oni povus atingi ne nur konstantan kreskadon de REU, sed ankau liberigi
  la REU-estraranojn je burokratisma kolektado kaj kalkulado de groshoj. Kaj
  la membroj estos pli patriotismaj rilate al REU; ili sentos, ke ili ne estos
  forjhetitaj kiel katidoj, ech se ili ne pagos monon.
  
  Eble, UEA funkcias lau la sama malracia principo, sed tio estas ilia
  problemo. Finfine, ankau UEA estas malforta kaj malmulthoma asocieto. Ghi
  havas miloble malpli da membroj, ol la organizajho de Jehovistoj, kvankam la
  ideo de esperantismo estas multe pli racia kaj bela. Chio, kion mi konsilas
  al REU, estas aplikebla ankau al UEA. Tamen mi ne povas influi al UEA, sed
  mi povas influi al REU, al kiu mi apartenas.
  
  Pri konkretaj ciferoj. En Rusio vivas chirkau 100 000 000 plenaghaj homoj.
  REU devas havi minimume kvadratan radikon el tiu nombro, t.e. 10 000
  membrojn. El tiuj 10 000 membroj kvadrata radiko (t.e. 100 homoj) konsistigu
  CK (Centran Komitaton) de REU. El ili 10 homoj estu Prezidio, el ili 3 estu
  la Estraro (1 Prezidento, 1 vicprezidento kaj 1 Ghenerala Sekretario).

• Entute, rusiaj esperantistoj ne bezonas REU-n. Ni povas forgesi pri ghi. REU
  faras nenion, kaj alighi al REU - signifas nur nutri ambiciojn de ghiaj
  "gvidantoj". Ne alighu kaj ne pagu kotizojn, char tio ne havas sencon. En
  epoko de interneto similaj organizajhoj ne estas bezonataj. Chiu homo povas
  informi kaj informi preter organizajhoj. Ech UEA ne plu estas bezonata, des
  pli tiu efemera REU.

• Se REU ne progresas, tio okazas nur pro malkapablo de ghiaj "gvidantoj".
  Feliche, ke REU estas tre malgranda kaj neglektebla parto de Rusia E-movado.

• (Al gvidantoj de REU): Kompreneble, miaj konsiloj tre ghenas vin, char ili
  superas viajn kapablojn. Pereigi Esperanton vi, certe, ne volas, sed vi
  volas ke ghi restu en la sama stato, por daure shajni "plej-plej-plejaj".
  Progresi kune kun Esperanto vi ne povus, kaj sekve - se E-movado ighus
  amasa - vi perdus viajn tiom shatatajn postenojn kaj titolojn.

• Esperanto tute ne suferas regreson. Kontraue, ghi "suferas" unikan
  progreson, pere de interreto. Chiutage aperas novaj diskutlistoj, pagharoj,
  elektronikaj libroj; aperas novaj kursoj, novaj lernintoj, novaj amikecoj.
  E-movado "virtualighas", kaj en tiu virtuala spaco ghi rapide kreskas kaj
  evoluas.

• Rete esperantistoj nun povus "eldoni" chion, kion ili volus. Kaj tio estas
  treege dezirinda kaj bezonata. (Apud tradukoj eblas meti originalan tekston,
  kaj tiel miloj da novaj homoj povus lerni Esperanton!) Sed nia REU preferas
  eldoni ne bezonatan "realan" libron. Kial? Por fanfaroni pri ghia eldono. Ja
  per reta libro ne eblus fanfaroni.

• Centoj da libroj, verkitaj au tradukitaj de rusaj esperantistoj, restas
  ekzisti nur en papera (manuskripta) formo. Kolekti ilin, tajpi kaj
  enretigi - chu tio ne estus nobla kaj utila tasko? Sed chu REU-"estraron"
  interesas tia afero? Ritorika demando. Ghin interesas nur memreklamo, kaj
  pri Esperanto ghi envere FAJFAS.