PRI RUSIA E-MOVADO (3)

• KIAL MI ESTAS EN OPOZICIO AL REU?
  
  Tio ne estas plena vero. Mi ne estas en opozicio al tuta REU, mi subtenas
  tiun organizajhon. Mi estas en opozicio nur al ghiaj nunaj gvidantoj, al tiu
  strategio, kiun ili efektivigas.
  Tiuj gvidantoj per si mem ne estas malbonaj homoj. Ili estas esence bonaj,
  agrablaj kaj afablaj homoj. La problemo pri ili estas nur tio, ke ili ne
  kapablas esti gvidantoj de E-asocio. Ili ne komprenas au ne emfazas publike
  la globalan signifon de Esperanto. Ili estas sanaj kaj gajaj, tial ili ne
  volas rimarki dolorojn de la mondo. Ili ne interesighas pri spirita
  filozofio, ili ne estas patriotoj de Rusio, ne kunsentas al la trompita kaj
  ekspluata laborularo. Ilia horizonto estas tre limigita.
  La nunaj gvidantoj konsideras Esperanton nur kiel ludon, kiel ilon por
  memesprimado, por originalumado. Nur por montri sin, por shajni (al si mem
  kaj al aliaj) reghetoj en la "verda mondeto". Ili intence izolas tiun
  "verdan mondeton" de la popolo. Se ili iam diskonigetas Esperanton, do ne
  por fari ghin internacia, sed nur por varbi novajn membrojn por sia anaro,
  por sia sekto.
  Lau la nuna REU-doktrino, tendarumado estas supera formo de E-aktiveco,
  chefa celo de esperantismo. Chiujaraj tendaroj de REU-anoj estas speco de
  ludo au koncerto au spektaklo sub libera chielo. En tio estas nenio malbona.
  Malbona estas nur tio, ke ghi estas konsiderata kiel memcelo de E-movado.
  Kaj mi ne vidas en en tiuj tendaroj seriozajn temojn, ian intelektan
  laboron, ian ajn interesighon pri problemoj de la chirkaua mondo. Rezulte -
  ankau la mondo ne interesighas pri esperantistoj.
  Mi verdire miras - REUanoj vivas en, eblas diri, sankta lando, ili
  (plejparte) apartenas al granda popolo kun glora historio, kun belega
  religio, arto, ktp. Sed ili kvazau ne rimarkas chion tion.
  REU faras nenion por diskonigi rusan kulturon, por disvastigi veron pri
  soveta periodo (kiun oni nun pentras nur per nigra farbo). Kian miregigan
  E-lingvan ret-pagharon pri Rusio eblus krei, se inter rusaj e-istoj
  trovighus homoj, amantaj sian Patrolandon!!
  Kompreneble, patriotismo havas nenion komunan kun naciismo. Oni devas estimi
  kaj shati chiujn naciojn, chiujn naciajn kulturojn.
  Esperanto estas solvo de interpopolaj problemoj, ghi estas bazo kie
  renkontighu chiuj kulturoj. Sed nuna E-movado (almenau, en Rusio) estas
  senidea sekto de amuzighemuloj. Sola afero, kiu unuigas rusiajn e-istojn,
  estas la lingvo. Do, temas vere pri "diasporo", pri ia popoleto, perdinta
  sian landon.
  Kaj anstatau konfesi kaj korekti tion, iuj forkuras kun okuloj plenaj je
  larmoj, aliaj sensukcese provas shtopi bushon, triaj multsignife silentas
  pro nekapablo ion diri...

• ALTERNATIVA STRATEGIA PROJEKTO POR REU
  (альтернатива нежизнеспособному проекту REU, ноябрь 2000 г.)
  
  Rusia Esperantista Unio povas kaj devas popularigi Esperanton en Rusio. Kiel
  proksiman celon oni povas preni atingon de 1000-a membraro ghis fino de
  2001-a jaro, kun (memkompreneble) plua kreskado poste.
  
  Char en nia tempo la internacia amikeco, frateco, justeco, problemoj de
  interkompreno estas same kaj ech pli akraj ol antaue, oni povas konstati, ke
  kruta kvanta kaj kvalita kresko de E-movado estas tute realigebla.
  
  Por atingi tion, necesas grave shanghi la strategion de la movado,
  unuavice konsiderante novajn teknikajn eblecojn de komunikado (Interneto).
  
  Vershajne, ekzistas senco rezigni la hierarhhian strukturon kaj akcepti
  retan strukturon de E-movado. Tio signifas, ke chiuj esperantistoj estu
  egalrajtaj, char ili estas samideanoj kaj preskau "samreligianoj".
  
  Praktiko de lastaj jardekoj pruvas, ke kiel gvidantoj de E-movado estas ne
  chiam elektataj la plej taugaj personoj. Personaj simpatioj kaj antipatioj,
  malkontento k.s. malsanecaj fenomenoj ege malutilas al la movado.
  
  La tuta E-movado estas konvencie dividebla je ret-uzantoj kaj
  senkomputiluloj. Ret-uzantoj povas preni sur si taskon de informado de siaj
  samklubanoj.
  
  Oni instigu, ke kiel eble pli da esperantistoj akiru komputilon kaj alighu
  al Interneto, char tiamaniere ili perfekte solvas chiujn problemojn: pri
  lernolibroj, literaturo, informado, komunikigho kun eksterlandanoj ktp.
  
  Proklami REU kiel libervolan unuighon de amikoj de la internacia lingvo.
  Anonci libervolan alighon sen iaj ajn burokratajhoj (sufichas deklaro kun
  nomo kaj (ret-)adreso).
  
  Rezigni membrokotizojn, char kolekti ilin estas malfacile kaj ili, estante
  tre malaltaj, tutegale solvas neniun problemon. Por chiu arangho, se ghi
  postulas elspezojn, oni kolektu kotizojn aparte.
  
  Rezigni membrokartojn kaj aliajn stultajn burokratajhojn.
  
  Korespondaj (paperaj) E-kursoj ne plu konformas kun moderna realeco. Oni
  evitu pagatan instruadon. Oni memoru, ke plej bonaj esperantistoj estas
  tiuj, kiuj lernis memstare.
  
  Esperantistoj propagandu la internacian lingvon por plifortigi internacian
  pacon kaj justecon inter popoloj. Tio estu ilia supera idealo. Oni ne
  "chasadu" homojn kiel potencialajn "regatojn".
  
  Char estas proponite, ke REU ighu "reto", sed ne "piramido", neniuj
  oficialaj reprezentantoj estas bezonataj. Chiu estu libera reprezenti
  Esperanton, E-movadon kaj si mem. Esperantistoj ne respondas pro ideoj kaj
  agoj unu de alia.

• Chiu E-klubo plejofte bazighas chirkau unu "brulanta" persono. Se li ne plu
  brulas, la klubo disfalas. Ghi povas ekzisti plu formale, sed jam sen tiu
  "interna fajro", kiu vivigas ghin.
  Chio komencighas de "ekbrulo" de iu persono pri bonega, sankta ideo
  ESPERANTO. Kiam li "ekbrulis" (kaj estontaj sciencistoj ech povos konstati
  tion per aparatoj - la auro de entuziasto estas ege pli forta), li kolektas
  chirkau si homojn. Kora flamo chiam altiras kunulojn kaj "adeptojn".
  Dum longa tempo la entuziasto povas sukcese agadi, kaj la tuta E-klubo
  dankas al li sian prosperadon. Sed jen pli au malpli frue la homo lacighas,
  malsanighas, alfrontas personajn problemojn, transloghighas (aliurben au
  alimonden), kaj chio iom post iom ruinighas. Bone, se li postlasis samajn
  entuziastojn - tiam la organizajho povas ekzisti plue...

• REU-estraro ne komprenas, ke dum ne estas renaskita la "interna ideo" de
  Esperanto, chiuj ghiaj provoj vigligi la movadon similos al provoj revivigi
  kadavron. Estas ghuste Homaranismo, kiu estas animo de esperantismo, kaj ghi
  en nuna Rusia E-movado shajne tute mankas. Estas nur ambicioj kaj deziro
  amuzighi dum renkontighoj. Jen iom kruela, sed objektiva konstato de la
  aferoj.

• Homoj alighos al Esperanto, se ili scios, ke ghi estas kultura lingvo.
  Esperanto ekzistas por ighi internacia lingvo, dua por chiu homo.
  Proksimigho au malproksimigho al realigo de tiu tasko plene dependas de tio,
  kion amasoj opinias pri Esperanto. Ghia publika imago estas gravega afero.
  Esperanto venkos, sed venkos ne dank' al esperantistoj. Agado de
  esperantistoj-movadumistoj, sin eterne kuirantaj en propra suko, estas
  direktita internen, chefe al sinplezurigo kaj amuzado.
  Esperanto venkos dank' al neesperantistoj - honestaj, pensantaj homoj, kiuj
  aprobas kaj subtenas la internacian lingvon.

• La nuna Rusia E-movado estas destinita por infaneculoj. Ghi havas nenion
  komunan kun celoj de Zamenhof. Ghiaj gvidantoj admiras sian agadon,  sed
  envere REU estas sekto, fremda kaj neinteresa al la popolo. Ghi nun unuigas
  nur amuzighemajn gejunulojn. Sagha homo, kiu ekinteresighis pri la
  internacia lingvo, plej vershajne ne trovos sian lokon en REU - li foriros,
  senrevighinta pri Esperanto.
  
  Niaj "gvidantoj" ne deziras fari REU amasa, sed akcepti nur tiujn, kiuj
  akceptas regulojn de ilia ludo. REU povus kaj devus enhavi milojn da homoj,
  sed niaj "gvidantoj" ne deziras tion, char gvidi amasan organizajhon ili
  ne kapablus. Saghaj homoj precipe ne estas bonvenaj en ilia sekto, kaj oni
  faras chion por liberighi de ili.
  
  Ekzistas objektivaj sociaj leghoj pri putrado kaj degenerado de movadoj.
  Kiam iu granda pensulo alportas sur Teron ideojn, kiuj povas plibonigi la
  vivon, kreighas movado por disvastigi tiujn ideojn. Komence chio iras bone,
  sed poste al la ideoj algluighas stultuloj, kiuj iom post iom farighas
  gvidantoj kaj paralizas la movadon, zorgante jam nur pri sia regado.
  
  Tio okazis kun multaj movadoj (kristanismo, komunismo...), tio sama okazis
  ankau kun Esperanto. Esperanto-movado ne progresas jam dum multaj jardekoj.
  Ghi ekzistetas, kontentigante nur ghiajn gvidantojn, kiuj suferas je
  narcisismo kaj regavido. Sub ilia gvidado ghi progresos neniam kaj progresi
  ech ne povas.
  
  Mi ripetu: multaj miloj da Rusiaj homoj deziras lerni (kaj lernas)
  Esperanton, deziras partopreni la movadon por internacia lingvo, kaj tamen
  REU restas malgranda sekto. Necesas fari revolucion en REU, forpeli
  ambiciajn kaj nekompetentajn gvidantojn kaj fari la organizajhon amasa,
  aktiva, kiel antau 70 jaroj. Tiuj "gvidantoj" povos gvidi sekcion de estonta
  REU - iun rondeton de E-parolantaj ripozemuloj.

• A.Ananjin: ...kronis la ceremonion amuza jxuro pri nekrokodilado.
  
  Jen chefa strategia eraro de la tendar-organizantoj. Malpermesante uzadon de
  la nacia lingvo, la E-gvidantoj atingas sekvajn rezultatojn:
  1) E-aranghoj ighas nekompreneblaj kaj nepartopreneblaj por ekstera publiko;
  2) Oni substrekas, ke Esperanto estas nur lingvo, kaj esperantistoj estas
  aparta etno, kiu malshatas sian propran lingvon;
  3) Oni sekurigas dominadon de la E-chiamuloj, char nur ili kapablas flue
  paroli en Esperanto. Chiuj ceteraj, ech se ili estas saghaj kaj havas kion
  diri, estas devigataj silenti...

• Chiu nacia E-asocio respegulas kulturon de sia lando. Franca E-asocio
  respegulas francan kulturon, chehha E-asocio - chehhan kulturon, china -
  chinan, ktp. Kaj tio estas tre bona; nur dank'al tio, ellerninte Esperanton,
  ni povas konatighi kun chiuj naciaj kulturoj! Nur Rusia E-Unio ne respegulas
  rusan kulturon. Rusa kulturo, historio, problemoj, shajne tute ne interesas
  gvidantojn de nia movado. Ili "ne rimarkas", en kia lando ili loghas. Ili
  zorgas chefe nur kiel ghissate amuzighi dum someraj tendaroj. Kiel papilioj,
  vere...
  
  Mi estas konvinkita, ke Rusia E-movado devas esti patriotisma kaj respeguli
  rusan kulturon. Nur tiam ghi estos komprenebla kaj proksima al la popolanoj,
  nur tiam ghi estos interesa al alilandaj esperantistoj.
  Chu vi vidis iam esperantistojn en rusaj naciaj kostumoj? Mi neniam.
  Interalie, en chiu regiono de Rusio ekzistas siaj propraj kostumoj kaj
  tradicioj; sudrusaj kostumoj tute ne similas al nordrusaj, ktp. Lau mi, ili
  estas belegaj! Sed neniu zorgas montri tiun belecon al la mondo.
  Sennaciismo en Rusio estas unu el formoj de rusofobio...

• (Pri renkontighoj kaj kongresoj) Kial esperantistoj volas MEM organizi tutan
  renkontighon au karavanon de komenco ghis fino, se ekzistas profesiaj
  altnivelaj turismaj agentejoj, kiuj povas prizorgi chion tre bone -
  disponigi lokojn, biletojn, shipon ktp. Unuvorte, chiujn teknikajn aferojn.
  Certe, enhavo de la renkontigho kaj lingvo restos afero de la
  partoprenontoj. Al mi shajnas, ke fari pezan organizan laboron ne estas tre
  saghe, se oni povas uzi jam pretajn servojn. Tio estas same kiel propramane
  baki panon anstatau acheti en magazeno...
  
  Turismaj agentejoj. Ili povas bonege prizorgi korpajn bezonojn de la
  vojaghantoj - loghigo, manghigo, biletoj, asekuro, ekskursoj ktp.
  Kio estas pli multekosta, chu fabrikaj produktajhoj au memfaritaj? Mi
  supozas, ke servoj de profesia turisma agentejo estus malpli multekostaj.
  Vi (E-gvidantoj) estos tre bezonataj, char via tasko estos fari la karavanon
  esperantista. Tiu turisma agentejo prizorgu korpojn de la vojaghantoj; vi
  prizorgu iliajn animojn. Vi devos krei amikecon inter la homoj, aranghi
  kontaktojn kun lokaj esperantistoj, elpensi aliajn (ne nur amuzajn) okupojn
  dum la vojagho, ekzemple diskutojn, koncertojn... Via tasko estos malpli
  malfacila el teknika vidpunkto, sed pli malfacila el mensa, krea vidpunkto.
  Kial vi faru tion, kion altnivele povus fari anstatau vi neesperantistaj
  profesiuloj? Nu, imagu komparon: se vi volas aranghi E-kongreson, chu vi
  devos konstrui la kongresejon? Certe, ne - vi uzos jam pretan konstruajhon.
  Chu vi bezonos konstrui manghejon kaj mem kuiri? Ne - vi uzos pretan
  kuirejon kaj profesiajn kuiristojn. Certe, por chio necesos pagi. Chio estus
  malpli multekosta, se vi chion farus mem, sed tio ne estas reala.
  Ghuste tio (kaj nur tio) estus via tasko: krei esperantistan etoson!
  Chiu turisma agentejo ne okupighas pri interna etoso, ghi prizorgas nur
  teknikan flankon. Do, uzu ghiajn servojn kaj ekokupighu pri "interna ideo"
  de la karavano! Mi devas diri (eble vi konsentos kun mi, eble ne): ne chiuj
  esperantistoj estas bonaj homoj. Kaj ne chia E-grupo povas esti vere
  amikeca. Do, estos via tasko elekti vere bonajn homojn, kiuj povos esti
  fonto de Lumo kaj Amo por chiuj, kiuj povos planti E-ghermojn en trapasataj
  lokoj.

• ...Turistoj kaj sportistoj jam havas internacian lingvon - la anglan. Per
  ghi oni povas komunikighi kun multaj homoj en chiu angulo de la mondo, sed
  per Esperanto oni povas komunikighi nur kun tre malmultaj esperantistoj.
  Tial turistaj kaj sportistaj organizajhoj certe malakceptos la proponon de
  ESPerevertajlo (akcepti Esperanton). Esperanto dume ne povas servi por pure
  praktikaj celoj, ghi estas fakte senutila. Ghi estas ne io praktika, sed io
  idea, ghi estas revo pri pli bona mondo. Nur tre malmultaj homoj povas
  kompreni tion (kaj ech ne chiuj esperantistoj komprenas). Esperanto ne celu
  nun priservi turistojn, sed celu interfratigi homojn sur neutrala bazo; ghi
  ne estu instrumento por persona oportuneco, sed batalilo por paco! Malmultaj
  homoj audos vochon de la ideaj esperantistoj, sed tiuj malmultaj homoj estos
  nia plej utila "akirajho". Sed se Esperanto iamaniere ighus vaste uzata de
  senideaj vojaghantoj, tio (lau mia opinio) estus ech malbona afero, char
  tiamaniere el esperantismo tute elvaporighus la Zamenhofa "interna ideo".