PRI POLITIKO (4)

• Necesas ami Usonon. Necesas estimi chiujn landojn kaj chiujn popolojn, sed
  Usono meritas apartan amon. Ghi havas mision unuigi la mondon, kaj ghi
  plenumas ghin. Multaj malamas Usonon, char ili erare opinias, ke Usono
  ekspluatas aliajn landojn. Tio ne estas vera. Usono ne havas koloniojn kaj
  neniun rabas. Ghi mem perlaboris siajn richajhojn. Usona popolo estas
  aparta, char ghi konsistas el diversaj nacioj, el diversaj rasoj; kaj ghi
  parolas diversajn lingvojn, ne nur la anglan. Interalie, en Usono loghas
  centmiloj da rusoj. Usono havas kiel sian chefan principon - liberecon. Tiu
  principo estas grava kaj ghusta. Pro tio la Hierarkio (Mahatmoj) protektas
  Usonon. Usonon fondis masonoj de altaj gradoj, ligitaj kun la Hierarkio.
  Tial Usono estas plej potenca ekonomie, milite kaj kulture. Ghi treege
  kontribuis kaj kontribuas al la tutmonda kulturo. Usonanoj elpensis
  komputilojn kaj interneton, unuaj atingis Lunon, faris aliajn mirindajn
  sciencajn malkovrojn; ili verkis milojn da bonegaj libroj, kreis milojn da
  filmoj, animaciajn filmojn; komputilaj ludoj kaj programoj venas chefe el
  Usono; ili faras muzikon, modon, manghajhojn kaj trinkajhojn, shatatajn en
  la tuta mondo. Iuj eble diros, ke tio estas "subkulturo". Ne, plejparte tio
  estas vera Kulturo. Kaj samtempe plimulto da usonanoj restas kredantoj je
  Dio, kvankam lau diversa maniero. Parolante mallonge, usonanoj estas modelo
  de la tuta estonta homaro. Ni chiuj vivos proksimume tiel kiel ili. Certe,
  ankau usonanoj havas malperfektajhojn, kiel chiuj homoj. Sed malamo al ilia
  patrolando ne estas pravigebla. Usono estas Nova Mondo, kaj tiu, kiu malamas
  Usonon, apartenas al mondo malnova. (08.10.2001)

• Usono plenumas sian mision - esti tutmonda policisto.
  Tutmonda policisto estas necesa, same kiel policistoj estas necesaj en
  nia chiutaga vivo. Sur la planedo ekzistas banditaj reghimoj, kaj Usono
  volas puni ilin.
  
  Usono estas modelo de la tuta homaro. Usono estas homaro de XXI-a jarcento.
  Malami Usonon signifas malami la homaron, malami futuron. (09.10.2001)

• Koraj senraciuloj chiam subtenas senkorajn raciulojn. Mazohhisto kaj
  sadisto trovighas en plena harmonio. Kaj tiu, kiu estas kora, sed ankau
  racia, tute nature al kora senraciulo shajnas senkora, kruela ktp, char li
  ne predikas pacon al malpaculoj. (11.10.2001)

• Oni proponis, ke esperantistoj alighu au kunlaboru kun la antiglobalista
  movado.
  
  Antiglobalismo estas reakcia kaj stulta movado, kiu celas malhelpi unuighon
  de la homaro. Kaj partoprenas ghin nur "ekskrementoj de la socio", elektante
  konformajn batal-rimedojn. Globaligho estas nun chefa trajto de nia epoko.
  Chiuj nacioj interproksimighas, kunlaboras, intermiksighas... Aperis
  televido, interneto... Chio chi, memkompreneble, detruas kelkajn
  karakterizajhojn, proprecajn al la antauaj epokoj, kaj tio povas veki
  nostalgion. Sed la progreson ne eblas haltigi. Ghuste nun, antau niaj
  okuloj, formighas tuthomara nacio kaj "unu granda rondo familia". Mi
  opinias, ke tio konformas kun la interna ideo de Esperanto. Fakte, la
  interna ideo realighas sen partopreno de la esperantistaro, kiu putrighis
  kaj jam ne memoras, por kio ghi mem ekzistas.
  La globaligho ne signifas, ke nacioj kaj religioj malaperos - ech se jes, do
  almenau ne baldau! - sed nur tion, ke ili intermiksighas. Ekzemple, en Usono
  kunvivas homoj de chiuj rasoj, de plej diversaj nacioj, parolantaj diversajn
  lingvojn kaj kredantaj diversajn religiojn. Do, USA ighis kvazau modelo de
  la tuta homaro, kaj tio okazas kun chiuj landoj. Kaj aliflanke, chiu lando
  pligrandighas kaj "globalighas". Ekzemple, rusoj loghas nun tra la tuta
  mondo, kaj ili plu parolas rusan lingvon, char pere de televido kaj
  interneto ili kvazau restas en Rusio; do Rusio (kiel chiu alia lando) ighas
  kvazau virtuala tutmonda lando, simila al Esperantujo. Jen estas la
  globaligho. Ghi neeviteble kondukos nin al tutmonda registaro, tutmonda
  shtato, kaj tion ne necesas timi. Timas tion nur homoj, kiuj ne maturighis
  por esti homaranoj, kiuj volas resti en la malnova disdividita mondo. Do, mi
  rekomendas NE kunlabori kun la antiglobalista movado. Kaj ne miksu tiun
  movadon kun komunistoj - ili havas nenion komunan. (13.10.2001)

• Vi skribis, ke chiuj homoj estas fratoj, ech teroristoj. En tiu okazo, la
  vorto "frato" perdas chian sencon. Mi ne hezitus mortigi teroriston, ech se
  li estus filo de miaj gepatroj. Kian signifon havas sanga parenceco?
  (18.10.2001)

• (Al Renato Corsetti)
  Plimulto da homoj (ne nur en Usono, Europo kaj Rusio, sed ankau en Azio)
  prave subtenas la militon kontrau terorismo. Ne eblas elpensi pli malutilan
  servon por Esperanto, ol ke nun UEA elpashu kun iaj pseudopacifistaj
  deklaroj kaj tiel publike afishu la fakton, ke Esperanto estas lingvo de
  stultuloj. Prudenton kaj paciencon! (31.10.2001)

• Afganistano por la homaro estas la samo kiel Chechenio por Rusio.
  Se vi aprobas agojn de Rusio en Chechenio, estu konsekvenca kaj aprobu la
  agojn de la Aliancanoj (kun Usono chekape) en Afganistano.
  
  Chechenio estas parto de Rusio, sed same Afganistano estas parto de la
  unuighanta homaro. Chechenaj banditoj atakis Rusion, kaj afganaj banditoj
  atakis la homaron (char la Monda Komercejo estas internacia ejo).
  
  Temas ne pri konflikto inter nacioj usona kaj afgana, sed pri konflikto
  inter du diversaj mondkonceptoj: demokratia kaj fashisma (mi opinias, ke ni
  povas nomi la islaman ekstremismon, fanatikismon kaj terorismon - fashismo).
  
  Rusa jhurnalo "Izvestija" (Informoj) raportis, kion diras militkaptitaj
  taliboj.
  "Mi ankorau preghos sur ruinoj de Tashkento kaj de via abomeninda Moskvo! La
  mondo apartenos al islamanoj! Viaj virinoj ighos niaj substernajhoj! Viaj
  infanoj estos niaj sklavoj! Kaj vin, kafirojn (malkredulojn), atendas terura
  morto!"
  
  Certe, neniu normala homo povas ghoji pri pereo de pacaj homoj.
  Sed ni devas rigardi la aferojn kiel plenaghaj homoj, kiel viroj.
  Dum chiu milito neeviteble pereas senkulpuloj. Dum la II-a Mondmilito pereis
  milionoj da senkulpaj germanoj. Sed chu pro tio oni ne devis militi kontrau
  Hitler?
  Nun okazas milito ne inter Usono kaj Afganistano, sed inter tuthomara
  civilizacio kaj internacia mezepokeca islam-fashismo. Unua batalo okazis en
  Novjorko, sekvaj okazas en Afganistano. Se la islam-fashismo ne estos
  venkita nun, la bataloj dauros en Londono, Parizo, Moskvo kaj chie aliloke.
  Pro chiuj viktimoj kulpas la agresintoj. Taliboj, se ili vere kompatus sian
  popolon, povus tuj haltigi la bombadon, transdoninte bin Ladenon al Usono
  kaj por chiam rezigninte terorismon kaj agresemon. Sed ili plu persistas en
  sia frenezeco.
  Tuja "pacigho", sen neniigi la kauzon, kondukos estonte al novaj, pli
  kruelaj militoj. Chu ni atendu ghis tiuj frenezuloj akiros atombombon?
  
  Islamo ne estas pli malbona religio, ol chiu alia. Ankau kristanismo iam
  donis terurajn perversojn kiel krucmilitoj kaj inkvizicion. Kiam mi parolas
  pri "islam-fashismo", mi neniuokaze volas insulti islamon kaj chiujn
  islamanojn, plimulto da kiuj estas normalaj, pacamaj homoj. Sed tiuj
  teroristoj, taliboj, same kiel chechenaj banditoj, ne estas veraj islamanoj;
  ili nur uzas sian religion kiel shirmon por kruelaj agoj, por murdi, por
  konkeri aliajn popolojn kaj en perspektivo - la tutan mondon... (31.10.2001)

• (Oni akuzis s-ron Stefan Maul pri "rasismo" kaj "fashismo")
  
  Efektive, se pripensi senhisterie, la opinio de S.Maul enhavas multon
  racian. La islama religio estas malforta el ideologia vidpunkto, pro tio ghi
  deziras kompensi sian idean malfortecon per milita forto. Kiu observas
  eventojn en la mondo, tiu ne povas ne vidi, ke plimulto da konfliktoj
  nuntempe estas inspirataj de ekstremismaj islamanoj (Kosovo, Chechenio,
  Palestino, Irako, Afganistano, Kashmiro, Filipinoj, Indonezio ktp). La
  problemo estas en tio, ke islamo ne havas sian Papon, kiu povus kondamni la
  agresemon de iuj islamanoj. Mi vidas solvon de la problemo en tio, ke ju pli
  disvastighos principoj de demokratio, des pli islama religio dissplitighos
  je diversaj fluoj kaj sektoj, kaj tio malfortigos ghin. Esperantistoj povus,
  siaflanke, subteni Bahaan kredon, kiu estas fakte radikale reformita islamo.
  Kiam nome de Alaho en multaj lokoj estas farataj kruelegajhoj, tiam oni
  neeviteble ekpensas pri "kruela dio" de islamanoj. Estas tasko de la
  islamanoj prizorgi, ke oni ne pensu tiel; ili pruvu, ke Alaho estas vere
  amanta kaj tolerema Dio. Dume ili pruvas la malon. (31.10.2001)

• Mi konsentas, ke naciismo estas malbona afero. Ghi estas nacia egoismo. Sed
  ankau sennaciismo estas malbona afero. Ghi estas nacia mazohhismo.

• Limigi enmigradon povas esti racia politiko. Neniu ech tre richa lando povas
  nutri la tutan mondon. Enmigrado kauzas kreskon de senlaboreco, ktp.
  
  Prezidento respondecas pri sia popolo, sed ne pri aliaj popoloj; kaj li
  devas esti iomete "egoisma", preferante interesojn de sia popolo. En tio
  estas neniom da ksenofobio, sed nur prudenteco.

• Post periodo de troa sennaciismo neeviteble venas periodo de troa naciismo.
  Tio estas legho. Por eviti tion, necesas rezigni ekstremajhojn. Sennaciismo
  (nacia mazohhismo) devas cedi sian lokon al racia patriotismo kun iomete da
  nacia egoismo. Chiu homo devas esti ne nur altruisto, sed ankau iomete
  egoisto. Nu, kion vi dirus pri viro, kiu volonte loghigas en sia domo chiujn
  dezirantajn senhejmulojn? Chu liaj edzino kaj gefiloj ghojus pri tio?

• Unuigho de la homaro estas necesa kaj progresiva afero, sed ghi devas esti
  ambaudirekta. Ghi ne devas konsisti en ekspansio de unuj nacioj kontrau
  aliaj. Kulturo kaj lingvo de chiu lando devas esti konservata (almenau, dum
  proksima tempo). Devas esti observata principo: "Unueco en diverseco".
  Ghenerale, por unuigho de la homaro, bedaurinde, ankorau ne venis tempo,
  char ne en chiuj landoj estas politikaj kaj religiaj liberecoj.

• Kial oni pensas, ke esperantistoj nepre devas esti "maldekstruloj"? Vero ne
  apartenas nur al unu flanko. Chiu partio posedas nur parton de la vero.
  Maldekstruloj estas "koraj senraciuloj"; dekstruloj estas "senkoraj
  raciuloj". "Koraj raciuloj" komprenas partan pravecon kaj partan malpravecon
  de ambau flankoj. Tial ne estas dezirinde, ke esperantistoj partoprenu
  politikajn manifestaciojn. La "interna ideo" de Esperanto estas Homaranismo,
  kaj ghi trovighas super chiaj politikaj movadoj.

• Humanismo ne egalas al mazohhismo. Kiu zorgas nur pri aliaj kaj neniom pri
  si mem, tiu provokas egoismon de aliaj. Chie devas esti "ora mezo".

• Naciismo estas "homaranismo minus internaciismo".
  Sennaciismo estas "homaranismo minus patriotismo".
  Patriotismo estas amo al sia Patrio.
  Internaciismo estas estimo al aliaj landoj.
  Naciismo estas ne estimo al aliaj landoj.
  Sennaciismo estas ne amo al sia Patrio.

• El jura vidpunkto, efektive, devas ekzisti neniaj distingoj inter homoj de
  diversaj racioj, nacioj kaj religioj - chiuj devas havi egalajn rajtojn.
  Tamen, ekzisto de diversaj nacioj (etnoj) kaj konfesioj (religioj) estas
  fakto, kiun necesas konsideri. Kultura diverseco de la mondo devas esti
  konservita. Migrado de homoj de unu kulturo al lando de alia kulturo devas
  esti iel kontrolata, aliokaze la kulturo de la gastiganta lando povas suferi
  damaghon. Kiel oni gardas kaj konservas naturon, tiel same oni devas gardi
  kaj konservi naciajn kulturojn - francan, germanan, rusan - kontrau
  ekspansio de aliaj kulturoj - araba, turka, china ktp.

• Devas esti agnoskita EKOLOGIO DE KULTUROJ. Ne nur kulturo de chia aborigena
  gento devas esti konservata, sed ankau kulturo de grandaj nacioj kiel rusa,
  franca... char ili nun suferas ekspansion de ekstere.
  Gardi sian kulturon ne egalas al naciismo; tio estas PATRIOTISMO. Naciismo
  estas malshato pri aliaj naciaj kulturoj; sennaciismo estas malshato au
  indiferento pri sia gepatra kulturo.
  Sennaciismo nutras kaj kreskigas naciismon; tial apero de Le Pen estas tute
  natura fenomeno.
  Plej bona kuracilo kontrau naciismo estas PATRIOTISMO.
  
  La homaro prezentas belan multkoloran paletron. Sed se preni chiujn farbojn
  kaj intermiksi, rezultos malbela bruna koloro. Ghenerala kultura nivelo de
  la homaro neeviteble falus. Unuigho de la homaro devas okazi alimaniere - ne
  per mekanika intermiksigho, sed per iom-post-ioma reciproka prunteprenado de
  chio plej bona.

• Nacioj ne devas mekanike intermiksighi, char tio detruas iliajn naciajn
  kulturojn. Des pli unu nacio ne devas ekspansii al alia. Tiaj procedoj pli
  au malpli venigus al konfliktoj.

• Supozeble, multaj landoj, dum la homaro movighas al la unueco, volos iel
  limigi enmigradon, por konservi sian identecon. Aliokaze la "globaligho"
  estos kompromitita kaj malamata kiel minaco por naciaj kulturoj.
  
  La tempo, kiam nacioj malaperas, ankorau ne venis. Kaj estas tre danghere
  perforte plibaldauigi tiun tempon.
  
  Oni en Europo timas paroli pri rasoj, pri nacioj. Sed ili ekzistas, kaj
  necesas konsideri chion ekzistantan. Devas ekzisti "ora meza vojo" en chio.
  Naciismo estas fiajho, sed ankau sennaciismo estas stultajho. Rasismo estas
  krimo, sed ankau senrasismo estas tre dubinda ideo, char ghi povas perturbi
  ekzistantan ekvilibron inter rasoj.

• Vizaghon de lando formas ghia popolo, loghanta tie dum jarcentoj (au
  jarmiloj), kun sia originala kulturo, lingvo, religio, arkitekturo, vestoj,
  muziko, ktp. Chio tio estas konservenda trezoro. Sennaciismo kaj amasa
  migrado detruas ghin.
  
  Patriotismo sen internaciismo estas naciismo. Aliflanke, internaciismo sen
  patriotismo estas sennaciismo. Naciismo minacas al aliaj landoj, sennaciismo
  minacas al sia propra lando.

• Sed chiu nacio havas ankau viv-instinkton, kaj se ghi vidos dangheron por
  si, ghi ekribelos. Tial ne valoras konduki la nacion ghis tia malespera ago.
  Por eviti eventualajn naciismajn ekscesojn, oni devas rezigni troan
  sennaciismon.

• Normala homo por anarhho-komunisto estas fashisto.
  Normala homo por fashisto estas anarhho-komunisto.
  Normala homo por naciisto estas sennaciisto.
  Normala homo por sennaciisto estas naciisto.

• Parolante pri homaj rajtoj, ni neniam forgesu homajn devojn.
  Ili estas dialektike interligitaj, kaj akcentado pri unu ignorante alian,
  kondukas al degenerado (chu anarhhio, chu fashismo).
  
  Europo devas resti Europo, sed ne komunloghejo por chiuj malrichuloj,
  krimuloj, por ekstremismaj religiaj organizajhoj ktp.
  
  Oni ne povas unuigi la homaron per migrado. ...
  Mi estas por "Unueco en diverseco".
  
  Naciismo kontrauas homaranismon. Sed iusence ghi estas natura reago al
  sennaciismo. Tio estas du malbonaj ekstremajhoj. Oni povus trovi
  interkonsenton che patriotismo + internaciismo, kiuj ne kontrauas unu alian.
  
  Homo, kiel homar-ano, ne vivas por si mem; li estas ano de homaro kaj
  vivas por ghi. Homo devas servi la homaron, kaj li havas certajn devojn
  antau ghi. Se vi ne agnoskas tion, vi estas anarhho-komunisto.
  
  Kiam oni akcentas nur homajn RAJTOJN, ni ricevas anarhhiismon.
  Kiam oni akcentas nur homajn DEVOJN, ni ricevas fashismon.
  Harmonia socio povas ekzisti nur che racia ekvilibro inter rajtoj kaj devoj.