PRI FILOZOFIO (2)

• Kiel difini bonecon? La demando estas simpla kaj komplika samtempe...
  La homaro evidente havas celon. Do, bona homo helpas atingi tiun celon pli
  rapide. Malbonaj homoj, farante malbonon, malrapidigas progreson de la
  homaro.

• Mi povas nur ripeti: homo, kiu ricevas rekompencon por sia laboro, estas
  neutrala vidpunkte de boneco. Nur tiu estas bona, kiu faras pli grandan
  bonon, ol lia salajro. Kiu ricevas pli grandan salajron, ol kiom valoras lia
  reala laboro, tiu estas malbona, simila al shtelisto.

• >Kio, lau vi, estas la konkreta celo de la homaro?
  
  Shtono ighas planto, planto ighas animalo, animalo ighas homo...
  Sed la evolucio ne finighas per tio. Homoj ighos novaj, pli perfektaj
  estajhoj. Proksimigho al Dio estas celo de la tuta Materio, kaj la homaro
  estas Ghia avangardo. Nia plej proksima celo - ighi Sanktuloj, Majstroj,
  Mahatmoj. Tiam ni vidos sekvajn shtupojn (vershajne, Angheloj, Arhhiangheloj
  kaj tiel plu direkten al Dio).

• La evolucio havas planon. Ekde apero de la homo, ech ekde apero de la
  Universo, tia plano ekzistas. La plano antauvidas, ke Materio ekhavos
  konscion kaj reunuighos kun Dio (Kosma Spirito).

• Plej seriozaj sciencistoj jam venas al konkludo, ke la tuta Universo vivas
  kaj disvolvighas lau ia plano. Tio ne signifas, ke chio estas determinita
  kaj ke ni ne havas liberan volon, ne! La plano estas nur tre ghenerala:
  evolucio direkten al racio kaj spiriteco.

• Bona faro estas ago, kiu pligrandigas bonon sur Tero, alivorte kiu helpas al
  la homaro progresi lau la evolucia plano.
  Oni ne komprenu "bonan faron" tro primitive. Mortigi homon ne nepre estas
  malbona faro. Ekzemple, dum justa milito mortigi malamikojn ofte estas devo.
  Iam okazas, ke ankau mensogo kaj shtelo estas bonaj faroj; ekzemple, se
  bandito, persekutanta senkulpan viktimon, demandos vin kie li/shi kashighis,
  via mensogo estos bona faro; au se vi shtelos tranchilon de la bandito, tio
  same estos bona faro. Do, chio dependas de cirkonstancoj. Oni ne devas
  elpensi dogmojn, char tiamaniere oni povas sin mem malliberigi per
  memfaritaj katenoj.

• Mi preferas vivi en malpli richa, sed justa socio, ol en pli richa, sed
  maljusta socio. Frateco kaj felicho eblas nur en la unua socio.

• Ankau biologia (ne nur socia) evolucio havas planon kaj celon.
  Cetere, ne ekzistas principa diferenco inter evolucio biologia kaj
  "ne-biologia", char chio en Kosmo, absolute chio, estas viva.

• Mortpuno, vere, ne estas kultura moro, sed ofte devigita kaj celkonforma
  ago, tute same kiel mortigo de malamikoj dum milito. Fakte, ne ekzistas
  diferenco inter malamika soldato, kiu deziras konkeri mian landon, kaj
  bandito-sadisto-infanmurdisto-narkotvendisto, kiu elinterne atakas mian
  popolon.

• Ech kiam sur Tero aperis unuaj protozooj, jam ekzistis plano de evolucio
  ghis Homo. Chu vere vi kredas, ke homoj aperis hazarde??

• Mineralojn oni kutime ne opinias vivaj. Tamen, ili estas vivaj, kvankam ilia
  vivo estas multe pli primitiva, ol che plantoj. Ech chiu atomo estas viva.
  Kiam ghi mortas, ghi malaperas. Malvivo simple ne ekzistas. Vivo=esto. Kio
  ne vivas, tio ne estas, kaj kio estas, tio vivas. En chio estas fajrero de
  Dio, kaj Vivo estas manifestigho de Dio. Ju pli progresas la vivo, des pli
  Dio vidighas en Materio.

• La formulo "Ami malbonulojn estas egale kiel malami bonulojn" estas el
  logika vidpunkto senriprocha, chu ne? Ni danku Esperanton, kies bela
  gramatiko klarigas tiom profundajn filozofiajn problemojn!

• Mortigi murdintojn estas juste, kaj tio ech estas ama ago rilate al ili mem,
  char tio malplilongigas ilian chi tiun misan enkorpighon, provokas tujan
  penton kaj teruron (kiu purigas la animon) kaj sendas ilin al la Fajna Mondo
  por rebonigho. Tio utilas kaj por la krimegulo, kaj averte efikas al aliaj
  eventualaj krimUntoj.
  Certe, mortpuno per si mem estas fiajho, sed lau proverbo "oni elbatas
  kojnon per kojno". "Pagos lupo pro la supo". "Kia ago, tia repago". "Kion li
  meritis, tion li profitis". Tio estas popola sagho. Popolo ne eraras.

• Iam oni povos preventi krimojn per humana edukado, sed dum la homaro restas
  fakte barbara kaj ech ne scipovas ghuste eduki infanojn, certaj barbaraj
  moroj estas neeviteblaj.
  Cetere, malliberigo estas same barbarajho. Eble, ech pli granda.
  Chechenoj forhakas brakojn kaj krurojn al krimuloj; tio eble estas pli
  racia puno, ol sensenca malliberigo.

• Kristo estis Arhhato, kaj Liaj dischiploj estis spirite pli kleraj, ol chiuj
  postaj sanktuloj kaj papoj. Predikoj de Kristo (ofte malghuste komprenataj)
  por ni ne validas.
  Ni ne estas similaj al Apostoloj, kaj nia devo estas batali kontrau malbono
  per chiuj eblaj rimedoj.
  Neperfortemo antau malbono estas erara tezo, elpensita de mallumuloj.
  Mahatmoj kategorie malakceptas tiun dogmon. Ghi estas utila nur por la
  malbono mem. Kaj abolon de mortpuno bezonas nur la krimeguloj.
  Stultuloj, kiel chiam, kredas kaj helpas al kanajloj. [mi aludas pri neniu!]

• Kiam venena serpento proksimighas al via infano, via devo estas ne kompati
  ghin pro tio "kiom ege ghi estas for de amo", sed tuj neniigi ghin, tiel
  malhelpante al ghi fari grandan malbonon.

• Ni devas elekti inter du malbonoj malpli bonan. Kiu intencas fari bonon al
  malbonuloj, tiu faros malbonon al bonuloj. Fari nur bonon en nia neperfekta
  mondo ne eblas, tio estas utopio.
  Ech en kulo estas fajrero de Dio, sed pro tio ni ne permesu al ghi suchi
  nian sangon!

• Ekzistas homaro kiel unueca organismo. Se homo (homar-ero) agadas kontrau
  interesoj de la homaro, li farighas simila al kulo, kiu malutilas al nia
  korpo. Sekve, li jam ne estas sankta, char li malhelpas planon de Dio.
  Interesoj de la homaro staras pli alte, ol interesoj de unuopa homo.

• Lau mia opinio, klonado de homoj estas granda stultajho!
  Homoj devas obei Naturon. Kio estas pli bela, ol amo inter Viro kaj Virino?
  
  Iuj supozas, ke se oni klonos geniulon (ekzemple, Mocarton au Ajnshtajnon),
  do rezulton nova geniulo. Tio estas eraro, char la enkarnighinta spirito
  estos tute alia, kaj eble la novaj personoj estos tute sentalentaj. Ili nur
  ekstere similos la prototipon.

• Homa korpo ne povas vivi sen spirito. Evidente, klonita homa organismo
  altiros iun spiriton, kiu "ekloghos" en ghi. Sed, memkompreneble, tiu
  spirito havos nenion komunan kun tiu spirito, kiu iam vivis la "prototipon"
  de la korpo.
  Se oni iel dismultigos mian korpon, la novaj estajhoj estos similaj al mi
  (ekstere), sed tamen ili estos tute fremdaj por mi.
  Pro tio, se oni deziras per klonado rekrei geniulojn, do tio estas vana
  espero. Kaj ghenerale, klonado de homo aspektas abomene kaj malmorale.

• La doktrino pri reenkarnighoj estis agnoskita kiel "hereza" nur jarcentojn
  post Kristo. Pastroj, elektante "kanonajn" evangeliojn, zorgeme forigis
  chion rilatan al tiu temo. Sed ghiaj spuroj restis. Foje dischiploj, vidante
  homon, blindan ekde naskigho, demandis Jesuon: "Chu li pekis mem au liaj
  gepatroj, ke li naskighis blinda?". Sed kiel homo povis peki antau sia
  naskigho? Estas klare, ke la dischiploj kredis pri antauaj vivoj.
  
  Sendube, Jesuo apartenas al plej Altaj Spiritaj Instruistoj, sed Lia
  Doktrino estas mallumigita de malkleraj pastroj. Mi kredas, ke krom la
  ekstera dogmema kristanismo ekzistis ezotera Doktrino de Kristo, kiu
  trovighis en plena konkordo kun Doktrinoj de aliaj Instruistoj.
  
  Pri Moseo mi ne estas certa, sed mi supozas, ke lia Doktrino estis same
  mallumigita de judaistaj pastroj. Lau kelkaj fontoj, Moseo estis egiptano
  kaj pasis kompletan instruadon che egiptaj pastroj (kiuj posedis grandajn
  sciojn).

• Satanismo lau mi estas tendenco por neniigi la homaron. Tio estas
  efektivigata per malamo inter diversaj nacioj kaj religioj. Chio, kio
  interproksimigas naciojn kaj religiojn, estas mal-satanismo.
  
  Satano volas neniigi la homaron, sed Luma Hierarkio kontraubatalas tion.
  Satano estas senkarna, kaj li volas, ke ankau chiuj animoj elkarnighu por
  chiam; tiam li estos plena mastro de la planedo.
  
  La problemo estas ne en kapitalismo, sed en homaj koroj. Necesas plibonigi
  korojn, tiam ankau kapitalismo humanighos kaj transformighos je alia
  sistemo. Sed kun malmolaj koroj nenia reformo sukcesos. Proklamu paradizon,
  sed homoj tutegale faros ghin infero. Ekstermi kaj detrui estas facile, sed
  konstrui estas malfacile. Dum koroj de homoj restas malmolaj, vi povos
  konstrui nenion pli bonan.

• Scienco faras la vivon de homoj bona;
  religio faras bonaj la homojn mem.
  
  Dogmema religio estas granda malbono. Devas kreighi nova tutmonda religio.
  Agni-Jogo kaj Kosmologio de Martinus estas gravaj pashoj por tio.

• Oni petis min skribi dek chefajn ideojn de Agni-Jogo. Ghi estas etika
  instruo, entenata en dek du au pli da libroj. Ghi estas mesagho de
  Instruistoj por nuntempa homaro, sed ghi, certe, ne elcherpas chiujn sciojn,
  char ili estas senfinaj.
  Chefaj ideoj de Agni-Jogo estas: Luma Hierarkio; Fajna kaj Fajra Mondoj;
  reenkarnighado kaj karmo; antikvaj civilizacioj (Atlantido); chakroj...
  eble, mi ion forgesis. La Fajra Doktrino konsistas el pecoj, verkitaj en
  solena, preskau poezia stilo. Ili ne chiam estas kompreneblaj. Ghi estis
  transdonita de plej supera Mahatmo, plej sagha Homo sur Tero.
  Pri Kosmologio mi preskau nenion povas skribi. Sed, kiom mi komprenis el
  libroj de Martinus, Kosmologio prezentas fakte la saman Doktrinon, sed
  verkitan en iom alia stilo kaj por alia popolo. Chiuj ideoj estas la samaj:
  reenkarnighado, vegetarismo, tutmonda paco ktp.
  Evidente, ekzistas ankau aliaj Doktrinoj, kiuj prilumas la senfinan Scion en
  alia koloro, sed same bele kaj interese. Ekzemple, mi kun ghuo legis librojn
  de Ajvanhhov (bulgara Majstro, kiu vivis en Francio).
  En Rusio nun furoras nova doktrino post libroj de s-ro Megre. La libroj
  priskribas vivon kaj ideojn de unu eksterordinara juna virino Anastasija,
  kiu vivas en Siberio. Milionoj da homoj farighis preskau fanatikuloj pro tio
  kaj estas nomataj "anastasianoj". Anastasija predikas revenon al naturo,
  naturajn kuracmetodojn, naturan nutradon (certe, vegetaran), naturan kaj
  humanan edukadon de infanoj. Chio tio estas tre interesa. Anastasija estas
  (lau bildoj) bela virino, kaj onidire ech libroj pri shi posedas kuracan
  povon.

• Nun bahaistoj ne plu fervore subtenas Esperanton. Nur kelkaj bahaistoj uzas
  Esperanton, aliaj uzas chefe anglan lingvon.
  
  Bahaismo ne akceptas reenkarnighadon. Kaj (kiom mi komprenis el diskutoj kun
  bahaistoj) bahaistoj ne konsentas, ke ekzistas aliaj ghustaj doktrinoj, krom
  ilia propra. Ili insistas, ke nur Baha-Ulla pravas kaj chiuj aliaj pensuloj
  estas "herezuloj".
  
  La problemo de Bahaismo estas tio, ke ghi estas artefarita, ghi estas
  elpensita de homo. Kaj tiu homo (konkrete - Bahaulla kaj liaj posteuloj)
  neeviteble povis erari pri io.
  Koncerne aliaj spiritajn doktrinoj, estas alie. Martinus NE elpensis
  Kosmologion. Ghi venis al lia cerbo el superaj sferoj. Temas pri tre malofta
  okazo de homa kontakto kun fajna informaro. Ankau Agni-Jogo ne estis
  elpensita de Rerihhoj. Ili ricevis tiun Doktrinon de siaj Instruistoj.
  Tial, interalie, mi ne tre kredas, ke eblas artefarite krei novan religion
  "hilelismo". Chiu vera religio ne estas elpensata, ghi estas _transdonata_
  au ricevata el superteraj regionoj.

• En okultisma tradicio satano ne estas egala al Dio; Dio estas tut-Universa
  spirito, sed satano estas nur tera fenomeno.
  
  Satano eble estis homo en pli frua manvantaro (pli frua vivo de Universo);
  li farighis anghelo kaj arhhianghelo en chi tiu manvantaro, sed li tro
  fierighis kaj komencis bataladon kontrau aliaj arhhiangheloj. De tiam li ne
  plu estas arhhianghelo, sed dangherega malamiko de Lumo. Sed Satano agadas
  nur sur Tero. Lia povo ne disvastighas ekster nian planedon.
  
  Lucifero estas latina nomo, kiu signifas "Lum-portanto".
  Sed tiu nomo por ekribelinta satano ne plu estas uzata.
  
  Malbono ghenerale eksistas nur en komparo kun pli granda bono. Ghi ne
  ekzistas per si mem. La tuta Universo evoluas, sed diversaj ghiaj eroj
  evoluas kun diversa rapideco, kaj pli evoluintaj eroj venas en konflikton
  kun malpli evoluintaj eroj.
  
  Bonvolu konsideri, amiko, ke se Satano estus ekzistanta, li certe ne volus,
  ke lia ekzisto estu malkashita. Li preferus, ke homoj sciu nenion pri lia
  ekzisto. Iu filozofo diris, ke "chefa venko de Satano estas en tio, ke li
  kredigis homojn pri sia malekzisto". Tiel li helpe de siaj sennombraj
  konsciaj kaj senkonsciaj helpantoj povas pli sukcese bremsi evoluon de la
  homaro.

• Mi imagas, ke Dio ne estas persono kaj ne partoprenas la mondon. Li
  iniciatis la Universon, kaj poste ghi jam evoluas lau naturaj leghoj. Simile
  kiel viro generas infanon, kaj poste ghi kreskas en patrina utero sen
  partopreno de patro.

• Chiu, kiu movas la homaron antauen, neeviteble suferas kontrauagadon de
  inertaj, reakciaj, mallumaj fortoj. Kiu ne movas la homaron, tiu, certe,
  ekziston de tiuj mallumaj fortoj ne povas rimarki. Li ne estas danghera por
  ili, tial ili (la mallumaj fortoj) ne batalas kontrau tiu persono.