EL LIBROJ DE AGNI-JOGO (2)

• Chiu insulto kaj kverelo estas jam laudo al mallumo. Terura tranchilo
  estas ne malantau rimeno, sed sur pinto de lango. Iam oni devos kompreni, ke
  dirita kaj pensita ne estas forvisheblaj. Chiu, pensinta por bono, povas
  ghoji pri tio, sed ankau inverse.

• Amikamo estas bazo de vivo. Ne shminko, ne kosmetikajho estas la amikamo.
  Ne shirmo estas la amikamo. Ne masko de perfido estas la amikamo. Ne afabla
  grimaco estas la amikamo. Necesas kompreni la amikamon, kiel nehipokritan
  koran senton.

• Scienco jam konstatis ekziston de apartaj homoj, kiuj sen radioriceviloj
  perceptas radio-ondojn. Certe, ghi estas fenomeno de fajra plano kaj
  malfermas vojojn al agnosko de ebleco percepti pensojn trans distanco. Sed
  la scienco ne zorgas esplori tiujn individuojn. Oni povas audi, ke "escepte
  de tiu fenomena kapablo, la organismo estas tute normala". Tio estos plej
  malklera konkludo. Ni ne volas ofendi la kuraciston, char ofte li ne havas
  laboratoriojn por konvena observado... Provu trovi rimedojn por esplori
  tiujn fenomenojn, kaj vi vidos, kiel malamikaj estos la auskultantoj, kiuj
  rememorigos pri inkviziciistoj. Kvazau ilia tasko estas detrui la eblecojn,
  sed ne helpi al chio utila. Tiel estis, tiel estas, kaj homoj deziras, ke
  tiel estu chiam.

• Unu demono decidis starigi sanktan ermiton en seneliran situacion. Por tio
  la demono shtelis plej sanktajn objektojn kaj prezentis ilin al la ermito
  kun vortoj: "Chu vi akceptos de mi?" La demono esperis, ke la ermito ne
  akceptos la donacojn kaj tiel perfidos la sanktajhojn; sed se akceptos, tiel
  li kunlaboros kun la demono. Kiam tiu terura gasto eldiris sian proponon, la
  ermito faris nek tion, nek alion. Li starighis, indignita, kaj per tuta
  forto de spirito ordonis al la demono jheti la objektojn sur teron, dirinte:
  "Ho, malluma spirito, vi ne retenos tiujn objektojn kaj foriros neniigita!"
  ...Ni ne opiniu tiujn legendojn ne necesaj. Demonoj estas multformaj, kaj
  chiu laboranto por Lumo spertas iliajn atakojn.

• Senanimaj estuloj estas konataj al chiuj. Tio estas ne simbolo, sed hhemia
  realajho. Oni povas demandi, chu ili enkorpighas en tiu plorinda stato? La
  demando montros nescion de la bazoj.
  Neniu povas enkorpighi sen provizo de la fajra energio. Malshparado de Agni
  okazas chi tie, meze de chiuj mirakloj de Naturo. Tute ne necesas por
  malshparado de Agni fari iujn terurajn krimojn. Ni sufiche scias pri
  progresado ech de rabistoj. Kutime la malshparado de Agni okazas dum
  ordinaraj tagoj kaj en krepusko de spirito. Necesas kompreni, ke la provizo
  de Agni nature kreskas. Sed kiam mallumo superas perfektighon, tiam la Fajro
  nerimarkeble, sed hhemie pruveble, foriras el la maltauga ujo. La legho de
  eterna movado estas belega - au evolucio, au involucio.

• Homoj devas teni en hejmoj nenion putran. Fermentado au nefresha akvo
  altiras nedezirindajn estajhojn. Kiam oni evoluigos fotadon de estajhoj de
  la Fajna Mondo, eblos vidi sur filmo diferencon de chirkauajhoj de peco da
  fromagho, viando au fresha rozo. Anstatau logika konvinkado eblos montri, ke
  formoj, altiritaj per viando, estas malbelaj. Tiuj shatantoj de putrado
  akompanas ghis busho mem la shatatan de ili manghajhon.
  Rozoj enhavas plejan kvanton da fajra energio. Tiamaniere, ankau homoj,
  shatantaj rozojn, estas proksimaj al la fajra energio.

• Fajraj energioj frapadas en siaj prizonoj. Venas tempo, kiam ili au estos
  aplikitaj racie, au devos elvershighi per fajraj malsanoj au kosmaj
  kataklismoj. Tri vojoj kushas antau la homaro. Ghi povas elekti chiun,
  konforme kun sia konscio.

• Kiam oni demandos, chu la mondoj estas loghataj, respondu jese. Certe,
  chio tio estas diversaj evolucioj, ne chiam atingeblaj unu por alia. Sed ne
  estos granda eraro diri, ke chiuj spacoj estas loghataj. Mikroskopo montros
  vivon en chiu loko de la planedo, la sama legho estas por la spaco.

• "Mem, mem, mem!" - krias infano, ne lasante plenaghulojn al sia okupo.
  Ghis sepjara agho la racio kaj koro memoras la leghon de memstara progresado
  sur Tero. Poste la saghaj rememoroj malhelighas kaj ofte transformighas je
  sia malo. "Oni supre kaj malsupre laboru anstatau mi", - tiel diras homo,
  forgesinta pri memperfektigado, sed infano memoras kaj defendas memstarecon.

• Malgranda infano diras: "Finfine mi naskighis". En tiu aserto videblas la
  Mondo Fajna. Oni povas mencii multajn ekzemplojn, kiam ne nur malgrandaj
  infanoj, sed ech novnaskitoj subite parolis vortojn de grandega signifo kaj
  poste denove revenadis al sia origina stato. Per atentemo kaj zorgemo eblas
  kolekti plej valorajn informojn.

• Eblas dividi la homojn je du tipoj. Unu neniam restigos post si koton. Li,
  preparante sin por forveturo, chion ordigos kaj purigos, por ne gheni iun
  per la rubo. Sed la dua tipo atentas neniujn postrestajhojn kaj restigas
  post si amasojn da malpurajhoj. Estu certa, ke la dua estas malproksima de
  la Fajra Mondo.

• Nova Mondo, se ghi realighos, montros amon al valorajhoj de Naturo. Ja
  necesos el la urboj disiri al naturo, sed chu al sabloj?! En chiu mondparto
  formighis sablaj oceanoj. Chiu el la dezertoj iam estis floranta herbejo. Ne
  Naturo, sed homoj mem ekstermis la florojn.

• Vi ghuste pensas pri neceso foriri el la pusaj urbegoj kaj pri egalmezura
  distribuado de la loghantaro de la planedo. Nun la scienco mem povas helpi
  al normala loghigo de liberaj spacoj, neniu estos izolita au forlasita. La
  fortoj de Naturo mem sanigos la Teron.

• Certe, oni demandos: "Kial en antikveco la homamasejoj ne estis
  dangheraj?" Unue, la loghantaro mem estis konsiderinde malmultnombra. Sed,
  krom tio, ni ne forgesu la sorton de Atlantido, Babilono kaj aliaj amasejoj,
  kushantaj en ruinoj. Nur parton el tiuj tombejoj memoras la homaro, sed la
  kosmaj leghoj agadis plurfoje.

• Pravas serchantoj de komuna lingvo. Tutmonda lingvo neeviteblas en
  evolucio.

• Necesas trovi kuraghon reformi la vivon. Morti en ava lito estu simptomo
  de mezepoko. Sed Ni konsilas forporti tiujn litojn al muzeo - tiel estos ech
  pli higiene.

• Memperfektigado estas Lumo. Memplezurigado estas mallumo. Eblas konstrui
  sian vivon tiel, ke chiu tago estos fino, sed eblas tiel lumigi la vivon, ke
  chiu horo estos komenco.

• Kial do Estuloj Fajraj malofte montras sin al teraj loghantoj?.. Korpo
  tera forbrulas pro ektusho al Estulo Fajra. Ne nur rekta ektusho, sed ech
  proksimeco povas haltigi koron de la enkarnighinto.

• Malfacilas de tero proksimighi al la Fajra Mondo. Sed same malfacile estas
  veni al la teraj sferoj de Fajna Mondo. Tiun plonghadon eblas kompari kun
  akvanauto. Kiel akvanauto devas vesti sin per peza skafandro, por
  kontraustari premon de la oceano, tiel ankau la iranto sur teron devas
  chirkaui sin per peza karno...

• Mallumuloj ne dormas. Ili konservas multe pli grandan unuighon kun sia
  Hierarhhio, ol la tiel nomataj batalantoj de Lumo. La mallumuloj scias, ke
  ilia sola savo estas Mallumo, sed la lumuloj multe vagadas, multe paroladas
  kaj malmulte amas sian Hierarhhion.

• Nigraj loghioj scias, kion ili faru, sed la lumaj ofte per sia malkonkordo
  ech malutilas unu al alia. Al nigraj loghioj ne proksimighos fremdulo, sed
  lumuloj pro bonanimeco au, pli ghuste, pro malklereco ofte estas pretaj
  chirkaubraki plej malutilan perfidulon.
  Necesas forpeli indiferenton, kiu paralizas plej bonajn fortojn. Efektive,
  oni povas senfortighi ne tiom pro malamikoj, kiom pro indiferento de amikoj!

• Oni demandos - se por Hatha-Jogo necesas korpaj ekzercoj, do chu aliaj
  jogoj bezonas tiajn movojn? Ne havis ilin Arhhatoj kaj sanktuloj. Ili pasas
  spiritan ekzamenon, kiu anstatauas por ili ekzercadon de la karno.

• La evolucio estas memstara kaj libervola - tio estas chefa legho. Ne eblas
  devigi homojn spirite evolui. Ne eblas perforte direkti al bono dormantan
  koron.

• Kshatrioj de Raghputano havis viandan manghadon por subteni sian
  militemon - tiu ekzemplo montras sencon de viandomanghado. Homoj scias, ke
  legomoj kaj fruktoj donas pli da vivenergio, ol taso da sango, sed ili petas
  doni al ili sangan viandon kaj tiel ricevi ghuon pro sia krudigho. Homoj
  bonege scias, ke manpleno da tritiko sufichas por subteni vivon, sed ilia
  animala instinkto penadas malsuprenigi ilin ghis besta stato. Chu bestoj ne
  ronghas gorghon unu al alia? Chu la mallumo ne pushas homojn al plej
  malnoblaj agoj? Ni ne forgesu, ke amasaj murdoj, chu en milito chu en
  buchejoj, egale malpurigas atmosferon kaj detruas la Mondon Fajnan.
  Vi mem scias, kiel abomenindas aspekto de vianda manghajho, kiam la
  organismo jam kutimighis al planta nutrado. Ne necesas pensi, ke homoj uzas
  viandomanghadon pro malricheco. Eblas havi plantan manghajhon che minimumaj
  ekfortoj; krome, multaj tre utilaj herboj kaj radikoj restas neuzataj. Eblas
  lerni che kelkaj animaloj, ili scias pri natura manghado multe pli, ol
  homo-viandomanghanto. Ne timu, kiam sangoshatanto komencos moki plantan
  nutradon, nur ekmemoru lin, char li estas de mallumo.

• Donante Agni-Jogon, vi faras aferon de nepriskribebla graveco.