Vladimir Beekinan naskighis
en Tallinn la 23-an de augusto 1929 kiel filo de
shoforo. En la komenco de la Dua Mondmilito la
12-jara knabo perdighis che evakuo survoje al
Leningrado, restis che la fronto kiel "filo de
regimento" kaj poste ea infanhejmo en
Oranienbaum. En 1953 li finis en Tallinn la
Politeknikan Instituton kiel kemiisto. Li eklaboris
kiel estro de la beletristika redakcio en la Estona
Shtata Eldonejo (1953—1956), poste jam kiel
liberprofesia verkisto.
V.Beekman estas en
la estona soveta literaturo unu el la plej aktivaj
kaj fekundaj autoroj, kies vigla karaktero kaj
talento esprimas sin en diversflankaj verkoj. La
chefa loko en lia vasta verkaro apartenas al poezio.
Liaj unuaj versajhoj aperis en periodajhoj jam dum la
Dua Mondmilito. La unua poemaro "Kanto pri
juneco" aperis en liaj studentaj jaroj, en 1952.
Poste sekvis ankorau ses versajharoj kaj la poemo
"Lumo de Orienta Europo" (1963). En 1974
aperis ampleksa kolekto de elektitaj versajhoj kaj
poeraoj "Bubala herbejo".
La poezia verkado
de V. Beekman trairis dum la pli ol dudekjara periodo
atentindan evoluon: de la juneca patoso de la unuaj
versajhoj la vivsperta poeto transiris al
liriko-filozofiaj artaj gheneraligoj. La objekto de
lia atento farighis homo-kreanto kun siaj faroj kaj
pensoj. Kun sia karaktera dialektika alproksimigho al
vivofenomenoj kaj homa naturo V.Beekman estas unu el
la plej elstaraj reprezentantoj de la civitana poezio
en la estona literaturo.
En la lastaj jaroj
li dedichis sin ankau al romana ghenro. Elstaras la
romanoj "Transitpasaghero" (1967),
"Noktaj aviadistoj" (1975) kaj "Kaj
unt mortoj" (1978). En la romanoj li pritraktas
postmilitajn seriozajn kaj komplikajn problemojn,
diversajn homsortojn, kauzitajn de la milito.
Li vojaghis en
multaj landoj (Svedio, Finnlando, Brazilo, Austrio,
Nederlando, Kanado, Norvegio, Australio, Meksikio,
Nov-Zelando k. a.). La vojaghoj, kies impresoj estas
priskribataj en multaj vojaghlibroj kaj publikajhoj,
animas ankau liajn beletrajn verkojn. Li estas konata
ankau kiel autoro de multaj infanlibroj. tradukitaj
en diversajn lingvojn.